Dəriyə qulluqda nəmləndiricinin əhəmiyyəti nədir?

Gözəl və sağlam bir görünüş əldə etməyin ilk qaydası təmizlənmiş və nəmlənmiş bir dəridir. Nəm dərinin əsas ehtiyacları arasındadır. Çünki nəm olmayan bir dəridə quruluq, qırışlar və qocalma əlamətləri meydana gəlir.

Nəmləndirici, dərinin su ehtiyacını ödəyən, dərini yumşaldan və nəm səviyyəsini tarazlayan dəriyə qulluğun ən vacib addımlarından biridir. Dərini xarici amillərdən qoruyarkən, dəridə yarana biləcək problemləri də azaldır. Ümumiyyətlə dəriyə faydalarına baxsaq:

– Dərinin su ehtiyacını ödəyir və nəmə doymuş hala gətirir;

– Nəmləndirici tətbiq olunan dəri uzanmır və elastiklik artır;

– Yaşlanma əlamətlərini azaldır;

– Soyuq hava şəraitinin yaratdığı quruluğu minimuma endirməyə kömək edir;

– Dərini xarici amillərdən qoruyur və dəridə yarana biləcək problemlərin qarşısını alır;

– Dərini rahatlaşdırır və sakitləşdirir.

 

Nəmləndirici seçərkən nəzərə alınmalı olan ən vacib məqam insanın dəri tipidir. Effektiv bir nəticə üçün dəri tipinə görə nəmləndirici seçimi edilməlidir. Gəlin, hansı dəri tipinin necə nəmləndiricilərə üstünlük verməsini görək.

Dərinizdə mat bir görünüş və gərginlik müşahidə edirsinizsə, quru dəriniz var deməkdir. Quru dəri növləri olanlar nəmləndiricilər seçərkən dərini sıx nəmləndirmək üçün krem ​​şəklində nəmləndirici çeşidlərindən istifadə edə bilərlər. Bu şəkildə dərinizi dərindən nəmləndirəcək, rahatlayacaq və qidalandıracaqsınız. Yağlı dərisi olanlar yağ dərəcəsini azaldacaq yüngül toxuma və matlaşdırma təsiri olan məhsullar seçməlidirlər. Qarışıq olanlar isə dərinin nəm balansını qoruyacaq və T zonasındakı parıltıları azaldan incə quruluşda olan gel və ya maye məhsullara üstünlük verə bilərlər.

Nəmləndirici istifadə edərkən tez-tez edilən səhvlərdən biri də üz nəmləndiricilərinin göz ətrafına çəkilməsidir. Göz bölgəsi həssas və incə bir quruluşa malikdir. Ətraf mühit və yuxusuzluq kimi bir çox amildən asanlıqla təsirlənir. Dəri quruluşundan asılı olaraq qırışlar, göz altı torbaları, göz ətrafında tünd halqalar görünə bilər. Bu səbəblə göz ətrafına tətbiq olunacaq nəmləndirici üzə tətbiq olunan nəmləndiricidən fərqli olmalıdır. Buna görə də göz bölgəsi üçün xüsusi hazırlanmış nəmləndiricilər seçmək daha yaxşı olar.

 

Dərini yumşaltmaq, nəmləndirmək və bərpa etmək üçün “Rapider” kremi sizə kömək edəcək.

Göstərişlər:

• Yataq yaraları
• Sidik qaçırma riski olan və mütəmadi yataq bezi istifadə edən xəstələrdə yataq yaralarının proflaktikası
• Bişməcələrdə
• Günəş və digər yaralarda
• Diabetik ayaq baxımında
• Şüa terapiyasından sonra dəridə yanıq və zədələnmələrdə
• Cərrahi əməliyyatdan sonrakı yaralarda
• Döş gilələrinin çatlarında (süd əmizdirmədən əvvəl döş giləsinin su ilə yuyulması tövsiyyə olunur)
• Anal çatlarda
• Əl və daban çatlarında.